LA:FAQ

From NovaRoma
Jump to: navigation, search

 Home| Latíné | Deutsch | Español | Français | Italiano | Magyar | Português | Română | Русский | English

Contents

Quid sígníficat "SPQR"?

Senátus populusque Rómánus: formula pervulgáta, quae reí públicae réctórés indicat. Professor Silvia Giorcelli Bersani amplius explánat.

Débeóne cultor deórum esse, ut cívis sim?

Minimé! Sacra príváta cívium nostrórum nullíus mómentí sunt. Multí sunt cívés, quí deós colant, sed religió Rómána ex sacrís públicís cónstat; cívés prívátí sacra Rómána príváta cúráre nón débent. Magistrátús, quí múnera sacra habeant, illa sacra pública cúrant, quae ad officia eius pertinent.

Débeóne Rómánus vel Italus nátus esse, ut cívis sim?

Minimé. Hominés omnium gentium cívés Rómání fierí apud veterés poterant et hodié quoque possunt.

Quómodó mulierés sé habent in Nová Rómá?

Quódammodó patriarchica erat víta Rómána antíqua. Quamquam vítás Rómánás vívere conámur, nón omnibus rébus maiórés nostrós sequimur. In Nová Rómá mulierés suffrágium ferre, magistrátús et senátrícés esse possunt. Alia sacerdótia publica mulieribus, alia virís, alia omnibus patent. Mulierés á virís discrepáre, sed nón déteriórés esse putantur.

Débeóne Latíné vel Graecé intellegere vel loquí, ut cívis sim?

Nón débés. Latínitáte opus nón est, Latíné tamen intellegere loquíque útile ac salútáre est, ergó sí haec verba intellegere potes, macté virtúte! Sí Latínitátem tuam excolere vís, sunt multae occásiónés in sodálitáte Latínitátis et Académíá Thúlés.

Estne Nova Róma véra rés pública?

Nova Róma cívitás est, aut esse conátur, in sénsú Rómánó. Nón est cívitás nátiónális moderna, quae nón erat rés publica Rómána antíqua. Populus sumus, et rem públicam habémus, ut sacra commúnia nostra sacra sint pública.

Estne hic lúdus persónátus?

Nón est. Nón sumus histriónés neque lúsórés, quí Rómánós antíquós simulant, simpliciter hominés, quí velut Rómání moderní sé habére, et cultúram Rómánam restituere conémur. Córam convenímus, et in parvís coetibus et in magnís conventibus sícut ”diés Rómání” et conventús Európaeí annuí, negótia órdine equestrí gerimus, sodálitátés dé rébus Rómánís facimus, sacra órdináta cúrámus, cónátús académícós archaeologicósque (sícut cónsilium Magnae Mátris) solvimus, adiúvámus, gerimus.

Patriciusne esse possum?

Noví cívés plérumque plébeií erunt. Tantum sí in stirpe patriciá Nová Rómáná nátus es, patricius eris.

Quid intersit inter patriciós plébeiósque?

Prope nihil. Paucí magistrátús, ut tribúní plébis, débent esse plébeií; paucissimí sacerdótés patricií esse débent. In Nová Rómá gentés patriciae sunt prímae stirpés Novae Rómánae, quae cívitátem obtinuérunt.

Quid est crustulum farreum?

Crustulum farreum est vótum Cererí Tellúríque solitum. Far est gránum tríticum.

Quómodó collégium légitimum Wiccae aut Asatrús aut Islámiae facere possum?

Nón potes. Collégia publica (pontificum, augurium et cétera) tantum illa sunt, quae in tempore reí públicae antíquae erant. Quaedam ínstitútiónés et sodálitátés sacrae prívátae á senátú scíscuntur, sólum tamen sí Rómání antíquí eius tráditiónés nóverant, ut Mithraismí vel sacrórum Ísidis. Wiccam, Asatrum, Islámiam veterés ígnórábant, quáré nón apta sunt ad vítam públicam Novae Rómae. Sáné tamen cívés sacra, quaecumque volunt, príváta cúráre, et sodálitátés prívátás facere possunt.

Personal tools