LA:Res publica Novae Romae

From NovaRoma
Jump to: navigation, search

 Home| Latíné | Deutsch | Español | Français | Italiano | Magyar | Português | Română | Русский | English

Nova Róma est societás dicáta studió ac restitútióní antíquae cultúrae Rómánae. Á fábulósá enim orígine 753 ACN úsque ad 330 AD, cum sédés Imperí et auctóritátis esse désierit, Róma régula fuit fundámentaque posuit modernae nostrae Occidentális cívílizátiónis. Róma tótum orbem terrárum ad húmánitátem excoluit, nósque necessárium dúcimus hoc dívínum múnus vívum serváre.

Condita 2750 annós post ipsam Urbem Aeternam, Nova Róma illa aurea tempora instauráre cupit. Sed ubí maiórés nostrí voluntátem suam ferró legiónibusque imposuerint, nós eundem petimus exitum scientiís prómovendís prólátóque virtútum exempló.

Plús cognósce in FAQ nostró.


Próvinciae
Nova Róma in díversás próvinciás díviditur. Úna próvincia únam aut plúrés nátiónés modernás complectí potest, aut tantum partem aut partés úníus nátiónis. Omnés próvinciae á senátú cónstituuntur: ex lége Védiá próvinciálí senátus novás próvinciás cónstituere et praesentés iungere aut disiungere potest senátús cónsultú. Senátus prómagistrátús quoque délégat, quí próvinciás administrent.
Aerárium Sátúrní
Aerárium Sátúrní est omnium pecúniárum publicárum thésaurus. Omnés renúntiátiónés, tabulae, ratiónés quaestórum adsunt, ut omnés inspiciant.
Annálés
Lege annálés Novae Rómae ab orígine Fl. Vedio M. Cassio cos. MMDCCLI a.u.c. úsque ad hunc diem.
Magistrátús senátórésque

Magistrátús sunt, quí quotannís creantur, ut reí públicae imperent. Múnera honórésque eórum tam similés magistrátibus antíquís sunt, quam fierí potest.

Senátórés á cénsóribus leguntur. Senátus noster quoque similis senátui reí públicae antíquae est.
Tabulárium
Tabulárium Novae Rómae, sícut tabulárium antíquum sed modernís modís électronicís, actórum publicórum, légum, édictórum, senátús cónsultuum, légis cónstitútívae est thésaurus.


Personal tools