LA:Nova Roma
Home| Latíné | Deutsch | Español | Français | Italiano | Magyar | Português | Română | Русский | English
Nova Roma est societás dicáta studió ac restitútiónó antíquae cultúrae Rómánae. Á fabulósá enim orígine 753 BCE usque ad 330 CE, cum sédés Imperí et auctoritátis esse désierit, Róma regula fuit fundamentaque posuit modernae nostrae Occidentális civilizátiónis. Roma tótum orbem terrárum ad húmánitátem excoluit, nósque necessarium dúcimus hoc dívínum múnus vívum serváre.
Condita 2750 annós post ipsam Urbem Aeternam, Nova Róma illa aurea tempora instauráre cupit. Sed ubí maiórés nostrí voluntátem suam ferró legiónibusque imposuerint, nós eundem petimus exitum scientiís prómovendís prólátóque virtútum exempló.
Religió Rómána
Lapis anguláris vítae nostrae in Nová Rómá est religió Rómána, antíque fidés populí Rómání. Cum príváta tum publica sacra magní sunt mómentí Rómánae religióní, ambóque sunt praesentés in caerimóniís Novae Rómae. Volumus in futúrum antíqua instauráre sacerdótum collégia sacraque omnia facere sollemnia Rómánórum per annum. Impraesentiárum autem contentí esse debébimus efficientibus inceptís quae fierí possint atque institútióne hominum quí sacra suscipere velint.
Via Rómána
Magní quoque mómentí Novae Rómae est via Rómána, restitútió úniversa omnium aliárum cultúrae Rómánae partium, á coquíná usque ad litterás, philosophiam, iús antíquum, artésque. Fundámentum Rómánae cultúrae quod Nova Róma vult resuscitáre sunt Rómánae virtútés, quae dícuntur. Hae virtútés parvae urbí Tiberis ad rípás sitae animí corporisque vírés dederunt ut magnam orbis terrárum partem régeret, quae tamen virtútés acriter désídérantur in nostrá praesentí hominum societáte. Fundámentum quoque Rómánae cultúrae in Nová Rómá est lingua Latína fovenda, una lingua quá umquam sunt maximá úniversáque fide illae virtútés illaque cultura positae verbís. Rómánam fovendó cultúram vívamque Rómánórum úsum linguae, nihil aliud profectó fovémus quam regenerandam Occidentálem societátem. Artés autem colendó Rómánórum, plénius intellegimus ipsórum nostrás Occidentálium oríginés.
Rés publica
Nova Róma plús est quam sodálitás historicís recreátiónibus, quamquam id profectó simus; plús quam societás ad colendós sempiternós Rómánórum deós, etsí hoc quoque sumus; plús quam gréx classicórum studiórum, cum etiam haec colámus. Sumus nimirum suí iúris rés publica, cónátus optimae instituendae sacrae classicae Rómae (paululum modernís temporibus mórem gerentés) invitámusque vós omnés ut nómina détis cívitátem postulandó hodie.
